Automobilist triuwt aksjefierders Extinction Rebellion by fleanbasis fuort
By de demonstraasje fan Extinction Rebellion fan freedtemiddei binne demonstranten fuorttreaun troch in automobilist.
By de aksje is net ien ferwûne rekke. De wurdfierder fan de demonstranten lit witte dat se oanjefte dwaan sille.
"Onze collega's ter plaatse hebben de inschatting gemaakt dat ingrijpen niet direct noodzakelijk was. De situatie loste zichzelf snel op. We nemen verklaringen op van alle betrokkenen", skriuwt de plysje yn in reaksje.
Frisian Flag
De demonstranten fan Extinction Rebellion protestearren freedtemiddei tsjin de oefeningen fan Frisian Flag, om't it negative effekten hat op it miljeu en it klimaat.
By de yngong fan de fleanbasis steane jongelju mei rôze klean. Se ha har fêstset oan beammen en oan inoar.