Fleanshow Definsje by Formule 1 skrast: Ljouwerter F-35's bliuwe oan 'e grûn
By de Formule 1-race yn Zandvoort op snein 5 septimber sille der gjin gefjochtsfleantugen fan de Ljouwerter fleanbasis oerfleane. It ministearje fan Definsje hat besletten de saneamde 'fly past' te annulearjen "vanwege de ontwikkelingen in Afghanistan".
Fan ferskate kanten wie der krityk kaam op de fleanshow. Sa hie Doarpsbelang Jelsum-Koarnjum de Ljouwerter fleanbasis oproppen op om gjin fly-by te hâlden boppe it sirkwy fan Zandvoort.
Neffens doarpsbelang wie it foar de doarpsbewenners fan Jelsum en Koarnjum net te akseptearjen dat se ek yn it wykein lûdsoerlêst ûndergean moasten.
